ہر ادارے اور کمپنی کی یہ خواہش ہوتی ہے کہ اس کے ملازمین ہر لحاظ سے بہترین اور ممتاز ہوں۔ وجہ صاف ظاہر ہے کہ ایسے افراد ان کی ترقی کے ضامن ہوتے ہیں۔ دنیا بھر میں ملازمین کی بھرتیوں کے لیے جو پیمانے مقرر کیے جاتے ہیں، کم و بیش سب میں امیدواروں کے ظاہری حلیے اور تاثر کو بنیادی اہمیت دی جاتی ہے۔
اور آپ کے حلیے یا تاثر کی بنیاد ہے آپ کا لباس۔ اچھا لباس پہلی نظر ہی میں آپ کے تعلیم یافتہ، شائستہ اور مہذب ہونے پر مہر ثبت کر دیتا ہے۔ دنیا بھر میں ہونے والے جائزوں کے مطابق اچھے لباس کی وجہ سے آپ کے ملازمت حاصل کرنے کے امکانات میں کئی گنا اضافہ ہو جاتا ہے۔
